قصة غرائبية يحكيها نيل جايمان

واحد سأل نيل جايمان، الكاتب البريطاني المشهور: بحاول بقالي كتير اني اكتب، عندي أفكار رائعة جدا، لكنهم خروجهم للورق صعب، انصحني.

فأجاب:

1. اكتب أفكارك

2. إذا أردت جعلهم قصص، فاحكي القصص اللي تحب تقرأها وتسمعها

3. انهِ ما بدأت

4. كرر الخطوات السابقة وستصبح كاتبًا

وهذه هي الطريقة الوحيدة

لكن هناك طرق أسهل، وهقولك مثال:

فوق قمة جبل بعيد تنمو شجرة ذات أوراق فضية، مرة كل سنة، وتحديدًا فجر يوم 30 أبريل، تُخرج الشجرة خمس أزهار، وعلى مدار الساعة التالية، كل زهرة بتتحول لتوت، في الأول أخضر، ثم أسود، وفي الأخر ذهبي.

وأول ما يتحول لتوت بري، بيظهر خمسة غربان بيض، كانوا مستنين فوق الجبل، متقدرش تميزهم عن الثلج، ينقضوا على الشجرة ويقطفوا بطمع كل التوت، ويطيروا بعيد وهما بيضحكوا.

لازم تمسك أصغر واحد منهم، وبايديك نفسها، ولازم تحبره يسيب التوتة اللي معاه، لأنهم مش بيبلعوها، دول بيشيلوها ويعبروا بها المحيط، لحد حديقة ساحر، ويسقطوا التوت، واحدة واحدة، في فم بنته، اللي مش هتصحى أبدًا من نومها السحري إلا بعد ما تبلع ألف توتة ذهبية.

لما تاخد منه التوتة البرية، حطها تحت لسانك، وأرجع بيتك طوالي.

ولمدة أسبوع، متكلمش حد، ولا حبايبك ولا ضابط المرور الذي عايز يديك مخالفة سرعة، اوعى تتكلم، واوعى تنام، وحافظ عليها تحت لسانك.

وفي منتصف ليل اليوم السابع، اطلع فوق أعلى مكان في مدينتك، ممكن تطلع فوق السطوح، اتأكد أن التوتة في مكانها تحت لسانك، وسمع قصيدة الثعلب ذو الجورب كلها

واوعى التوتة تقع منك، وأوعى تنسى بيت واحد من القصيدة، أو تطنش أي مقطع من مقاطعها الصعبة المليانة سجع

Muddle Puddle Tweetle Poodle Beetle Noodle Bottle Paddle Battle.

وبعدها، وبس عندها، ابلع التوتة، وارجع البيت بأقصى سرعة، لأن معاك نص ساعة بس وهتنام نوم نوم سحري عميق.

لما تصحى تاني يوم الصبح، هتلاقي كل أفكارك بتتكتب سهولة على الورق، وهتبقى كاتب.