تعالوا بقى نتكلم جد، بعد قصة نيل جايمان الغرائبية بالأمس، بينصحنا ب8 نصائح جادة للكتابة:
1. اكتب (مقالش اقرأ المرة دي، بس هو قالها قبل كده)
2. حط كل كلمة ورا التانية، وكل لما تلاقي كلمة مظبوطة، حطها.
3. انهِ ما تكتبه حاليًا، مهما كان الثمن، بطل تسويف
4. بعد ما تخلص اركن النص على جنب، اقراه وتظاهر إنك بتقرأه لأول مرة، وأعرضه على قراء فاهمين، واحترم رأيهم مهما كان، ولازم يكونوا بيحبوا النوع اللي بتكتب فيه
5. تذكر، لما الناس تقولك ان فيه حاجة غلط في نصك، أو حاجة مش عارفين يتقبلوها، بس مش عارفين ايه هي بالضبط، فهما غالبًا مُحقين.
ولما يقولوا إن فيه حاجة معينة كده غلط ويسموها بالاسم، وكمان طريقة حلها ايه، فهم غالبًا مُخطئين!
6. صلح دايمًا، عدل، دلوقتي أو بعدين، لا تسع للكمال، لازم تترك النص السابق تمامًا وتدخل في الجديد.
تقدم للأمام، لأن السعي للكمال هو مُطاردة للمُستحيل
7. لو كتبت نكتة، لازم تضحك بنفسك عليها، أو تكون إشارة ذكية لعمل سابق
8. وأهم قاعدة كتابية هي: لازم تكتب بكل ثقة، أعمل ما يحلو لك، اكتب قصتك زي ما هي المفروض تتكتب، اكتب بأمانة، وقصها علينا بأحسن طريقة ليك، أوعى تتردد أو تتلجلج.
بس وكفاية كده حسب كلام نيل جايمان
شير بقى لو سمحت وعرف الناس النصائح المهمة دي، إذا كنت شايف إنها مُفيدة فعلا
كتابات د. أحمد تركي 