١٢ طريقة تضيع بيهم وقتك

١. انك تنتظر الإلهام.. الأفكار الجديدة والعظيمة هتيجي بعد مجهود وتمرينات وشغل كتير، مش هتنزل على دماغك من السما

٢. انك تعمل كل حاجة بنفسك.. لما تركز انك تعمل كل تفاصيل شغلك بنفسك ده هيسبب لك إرهاق نفسي قبل البدني، وأسأل مجرب، هتلاقي نفسك بتقصر في جزئيات على حساب جزئيات مهمة تانية، الحل إنك تفوض غيرك يقوم بالأعمال الروتينية أو لو هما يقدروا ينفذوا المهمات دي بطريقة أفضل منك، حل تاني هو إنك تطلب المساعدة من زملاءك ويا سلام لو المساعدات دي تكون متبادلة بعد كده

٣. انك تقلق من كلام الناس.. أوعى تعمل كده، ركز في شغلك وبس، وحاول تطور من نفسك على طول الخط وشوف الأصلح بالنسبة لك

٤. انك تهمل حياتك.. وده يخليك غير سعيد بالمرة، أنت هتعرف كده والي حواليك هيعرفوا كده، حدد طريقك بنفسك، واختار راحتك النفسية قبل أي شيء، واتعلم تقول لا في المواقف المناسبة، لا تكن لطيفا أكثر من اللازم، وازن حياتك وحبها، والنصيحة موجهة للكل؛ الإنطوائيين والمنفتحين

٥. الهوف من الفشل.. باختصار، لا متخافش، مينفعش الفشل يوقفك، الفشل في الحياة مش هيقتلك، غالبا يعني، وما لا يقتلك يزيدك قوة، مفيش عالم نجح في اختراعه من أول محاولة

٦. الشكوى المستمرة.. الشكوى مش هتحل حاجة، لما تحصل حاجة غلط أو حاجة بتضايقك متضيعش وقتك في الشكوى، اتصرف وحل المشكلة فورا

٧. كمل مهماتك.. أي مشروع مش بيكمل عبارة عن مضيعة للوقت والجهد والتركيز وممكن المال كمان، لازم تقرر يوم ما تفقد شغفك بمشروع معين: إما تكمله بكل جهدك أو تتخلى عنه تماما، لكن تتركه وأنت في منتصف الطريق، هيفضل يطاردك كأنه شبح الراجل الي انت قتلته ومدفنتوش

٨. انك تحاول تسعد كل الناس.. وده أمر من المستحيلات، لإن كل شخصية مختلفة عن التانية، وكل واحد له رأي غير التاني، حاول تركز مع أصحاب اهتماماتك المشتركة، ومتزعلش الناس المختلفة عنك، حافظ على مسافة آمنة بينك وبينهم

٩. انك تقارن نفسك بغيرك.. ده خطأ شنيع، وهيسيب في قلبك غيرة وحسد ومرارة أنت في غنى عنها، أعرف نقاط قوتك ونميها وقوات ضعفك وعالجها، لو حابب تقارن يبقى لعلاج مشاكلك بس، مش لعمل المناحات

١٠. إنك تكرر نفس الأخطاء.. وده هيسبب لك ندم شديد صعب تتخلص منه، فخلي بالك

١١. حلم الكمال.. بدل ما تقعد تخطط وتجهز وتنتظر إن الخطة تبقى كاملة، ابدأ فيها على طول، جرب واغلط وجرب تاني واتعلم، اشتغل على حلمك من دلوقتي

١٢. إنك مترتبش أولوياتك.. ومتعملش كل حاجة في نفس الوقت، ومتنضمش لأي مهمات أو مشاريع مش مفيدة لك ولحلمك، وكل سندوتش الضفادع قبل سندوتش الحلاوة عشان المرارة تزول بسرعة

كل عام وانتم بخير ودعواتكم لي لو وصلت لحد هنا