ريفيو ومقال ثري بالمعاني كتبه القارئ المتميز الأستاذ محمد عبد الظاهر عن رواية #شقوق_الفزع
***
سؤال :
ايه هى الفلسفة التى تحملها رواية شقوق الفزع ؟؟؟
هل رواية ” شقوق الفزع مهمة ؟؟ هل بتحمل رسالة أو فلسفة ما ؟؟
معظم روايات الرعب بتركز اكتر على تسلية القارئ بالأثارة والتشويق لكن مش بيكون ليها رساله معينة … فيها الحبكة والأحداث المثيرة والمفاجأة … الخ لكن القارئ بيحس أن فيه حاجة ناقصة … وبينسي الرواية بعد فترة لأنها لم تترك فيه أى أثر ….
فهل رواية شقوق الفزع من النوع دة من الروايات المسلية وألا ليها فلسفة ورسالة معينة تترك أثر فى حياة القارئ ؟؟
الرواية بتحمل فعلا رسالة ، ايه هى ؟؟
فلسفة القدر ….
هل الأنسان مسير ام مخير ؟؟
اختلفت وتضاربت وتعددت الآراء ولكن افضل وأصح رأي “من وجهة نظري ” الرأى القائل : أن الأنسان مخير فى المبادرة والبداية بالفعل ولكنه مسير فى النتيجة ….
يعنى ايه ؟؟ وضحلى اكتر بأمثلة …
يعنى مثلاً انت مخير انك ترمى نفسك فى النهر بكامل إرادتك وحريتك تماماً لكنك مسير فى النتيجة : حد هينقذك ، هتموت ، هتعيش بعاهه … بعد ما اخترت فى البداية بحريتك متقدرش بعد كدة تختار النتيجة ….
او مثلاً لو انت طالب واخترت بكامل ارادتك انك متذاكرش ولا تواظب على حضور دروسك … النتيجة انت مسير فيها تماماً تغش وتنجح ، تسقط ، مش باختيارك ، انت مجبر … تماماً
فى البداية اختارتى تتجوزى بسطويسي … انتى حرة فى اختيارك … لكن النتيجة هتكونى مجبرة عليها … يطلع بسطويسي بقى انسان كويس ومخلص وتعيشى فى تبات ونبات ، او يطلع انسان خاين وأناني وتعيشى فى عذاب ، انتى مجبرة فى النتيجة …
دى فلسفة رواية ” شقوق الفزع ” الشخصيات المذنبة اختارت أفعالها بكامل إرادتهم … لكن النتيجة هما مجبرين عليها … تماماً كل شخصية مجبرة حتى أنها تنظر فى الشق المفزع وتشوف عقابها … تشوف النتيجة .
دى بالظبط فلسفة الرواية اللى اكيد هتترك أثر فى حياة القارئ … أثر مصيرى
اختار صح … علشان النتيجة تكون صح
وأقرأ الرواية …
رواية ” شقوق الفزع ” ل دأحمد تركي
من :
# المحترف #
الرواية متوفرة في مكتبة جيل المستقبل 💪💪
#إبداع_للترجمة_والنشر_والتوزيع
#في_كل_كتاب_حياة
#شغف_القراءة
#معارض_الكتاب
#cibf_2019
#اليوبيل_الذهبي
#دار_إبداع
كتابات د. أحمد تركي 